ما بنتوب عن الشعر( قصيده مصريه بدويه ) شعر/ سمير الأمير

[سمير الأمير]

مكتوبنا للوطن فى القدر مكتوب
يا ترى الوطن ف المصير يقرانا؟
لو يفنى العمر م الشعر ما نتوب
نسكن حروفنا فى بلاد طردانا
طول ما فينا وجع والوطن مسلوب
نذكر اللى فاتنا حتى لو ينسانا
دا الضمير ان هجع نبقى رمل وطوب
و القصيده قمر/ يكتمل جوانا
وان قمرنا سطع تحيا أمم وشعوب
مين حيقدر علينا والشعر ويانا؟
علّى صوتك قوى ده الغُنا مطلوب
خلّى ليل الظلم ينتهى عن سمانا
حق ينده حق وتسعى ليه قلوب.
يا فجر كان حلم صار لحمنا ودمانا
***
صار رفيق الطريق، صارإمام الطريقه
دا الشعرهو شقيق الأمل والحقيقه

[أحمد حسن محمد]

قصيدة رائعة يا أخي الشاعر الكبير

فيها من فلسفة الروح وحكمة الكلمة الكثير

واسمح لي بنقلها إلى رواق العامية لتحظى باهتمام أرباب العامية هناك

محبك

[سمير الأمير]

الأستاذ / أحمد حسن

أشكرك على تقديرك ولك خالص امتنانى
سمير